അബോര്‍ഷന്‍

പ്രസവാവധി കഴിഞ്ഞ്
എന്റെ കാവ്യഭാവന തിരിച്ചുവന്നു
കുഞ്ഞെന്താ - ആണോ പെണ്ണോ ...?
അത് ചത്തുപോയി .
*        *       *       *
പുകവലിക്കുമോ നിങ്ങള്‍ ?
സ്മോക്ക്‌ ലെസ്സ് ചിമ്മിനികള്‍ ഉള്ളതുകൊണ്ട്
അടുപ്പിലെ പുകപോലുമില്ല
മദ്യം ? ഇനിയും തുടങ്ങാമല്ലോ ....
പുക മണക്കാത്ത, മദ്യപിക്കാത്ത
താടി പോലും വളരാത്ത
(ഇതെന്റെ തെറ്റല്ല തീര്‍ച്ച !)
നിയ്യോ കവി ? നടന്നതു  തന്നെ!
*        *       *       *
ഉപമ ,ഉത്പ്രേക്ഷ ,കാകളി , മഞ്ജരി ?
ആ അവസാനം പറഞ്ഞവളെ അറിയാം
നേരിട്ടല്ല ,ഓര്‍ക്കുട്ട് ഫ്രണ്ട് ആണ് ...
രക്ഷയില്ല -അബോര്‍ഷന്‍!
*        *       *       *

പ്രസവാവധി കഴിഞ്ഞ്
എന്റെ കാവ്യഭാവന തിരിച്ചുവന്നു
കുഞ്ഞെന്താ - ആണോ പെണ്ണോ?
അത് ചത്തുപോയി ....
*        *       *       *